土耳其風格 (已結業)

今次係第二次黎呢度食野, 第一次係上星期某日夜晚經過, 發現轉左新餐廳, 我自己又對土耳其/印度食品好有興趣, 於是二話不說就拉左老公入去食! 由於上一次係喺食完晚飯之後先發現呢間新店, 所以兩個人只係叫左一樣食物, 叫左一個烤辣雞卷(卡巴) ($60連一罐汔水) , 唔記得影相。今次係午餐時段黎食,叫左另外三樣食物: 烤羊肉卷、烤魚卷同埋南印度咖哩雞飯 (午餐價約@40連汔水)今次羊肉卷同魚卷我無試到, 不過老公話ok, 而上一次既雞卷我覺得好食, 但其實我想講個卷好細件, 晚餐果次既大細都係一樣, 而且裡面既肉餡都唔多, 但係就比午餐再貴$20, 好唔抵食, 如果食量唔大既女仔可能夠飽, 但男仔就未必夠了。另外個咖哩飯 (唔記得影相) 都幾好食, 雞件數量正常, 飯粒係印度長米, 撈咖哩汁食唔錯, 但係不足之處係啲飯唔夠熱; 但比起卡巴呢個飯就飽肚啲。本來想加錢轉Mango Lassi, 但係落單果個人(應該係老闆?!) 話整lassi果個人未返, 所以做唔到住>.<如果食物價錢平返啲, 我應該會多啲黎食既 ~