影片
更多
2016-06-13
1258 浏览
（我食左成千蚊，點解無啦啦唔批？我港島人試呢間有幾出奇？電視都有賣啦，使咩要人試食呀！？我有彈有讚，如實報導，我諗唔到有咩內容可以改）老實說我對爬山零認識，亦唔知道餐廳背景，純粹見到介紹覺得幾得意就book枱食飯。無咩期望，因為覺得主題餐廳多數都係gimmick野，食物普普過得去就算。但去完野玩山店後我對主題餐廳改觀了。8點鐘去到慶幸自己有book枱，因為已經full house兼有人等緊位了。該晚同朋友2人去食，餐廳經理安排左一張靠牆既2人枱比我地～餐廳環境營造露營既感覺，有露營設備, 露營帳蓬, 繩索, 行山服飾等, 枱全部都係木，餐桌上放上紅白格仔餐巾、地圖餐牌及保溫瓶等, 十足去露營一樣, 玩味十足。（早知投入d放工換件t shirt先嚟 haha!)餐廳內原來仲有一張可以坐廿人長枱和兩間獨立房（大約坐8人）, 多人聚會就唔會嘈親人啦～只係8點鐘去，好多野食已經sold out,例如我一心想食既龍蝦、煮蜆、甘魚都無晒～所以最好早d去食！。👄Somerby Apple Cyder $98👉🏻呢款係special drink,賣相粉紅色好吸引，必叫～ 粉紅色既係草莓沙冰，而倒轉嗰隻
老實說我對爬山零認識，亦唔知道餐廳背景，純粹見到介紹覺得幾得意就book枱食飯。無咩期望，因為覺得主題餐廳多數都係gimmick野，食物普普過得去就算。但去完野玩山店後我對主題餐廳改觀了。
8點鐘去到慶幸自己有book枱，因為已經full house兼有人等緊位了。該晚同朋友2人去食，餐廳經理安排左一張靠牆既2人枱比我地～餐廳環境營造露營既感覺，有露營設備, 露營帳蓬, 繩索, 行山服飾等, 枱全部都係木，餐桌上放上紅白格仔餐巾、地圖餐牌及保溫瓶等, 十足去露營一樣, 玩味十足。（早知投入d放工換件t shirt先嚟 haha!)
餐廳內原來仲有一張可以坐廿人長枱和兩間獨立房（大約坐8人）, 多人聚會就唔會嘈親人啦～
只係8點鐘去，好多野食已經sold out,例如我一心想食既龍蝦、煮蜆、甘魚都無晒～所以最好早d去食！
。
👄Somerby Apple Cyder $98👉🏻呢款係special drink,賣相粉紅色好吸引，必叫～ 粉紅色既係草莓沙冰，而倒轉嗰隻就明顯係apple cyder~ 兩者都係易入口、帶甜味既，所以加埋飲味道好夾～酒味亦淡左，岩女仔飲～但份量大，可以2人share一杯～
。
👄麵包及麵包條 👉🏻餐前會比客人的～所以我無再特別叫有包既野食～麵包微暖，配上湯的話就一流～（但我無叫湯haha~)
。
👄Roasted Beetroot Salad $88👉🏻即係紅菜頭沙律。沙律內有藍芝士、甜合桃、沙拉菜同紅菜頭粒～紅菜頭好甜，好食～蔬菜新鮮～藍芝士令成個沙律個味好出，好香口～
。
👄Ocean Halibut with Japanese Gravy $158👉🏻即係香煎大比目魚。肉質好滑，滑到好易夾散～外層煎得香脆，有咬感。魚既調味當然唔錯，醬汁好似鰻魚汁。鐵板上仲有薄身既菇片，吸晒魚汁食都好好味～
。
👄Mussels in Cream Sauce $98👉🏻白汁青口。 好creamy，青口唔算肥但新鮮，連埋白汁一齊食味道超捧～白汁內亦都有薄身既菇片～
。
👄Wild Salmon Roses $98👉🏻睇名以為係普通三文魚卷，但其實佢地包住蟹肉架！卷上放了魚籽醬粒～ 咬落好鮮甜好fresh~蟹肉味好出！好食！
。
👄Grilled New Zealand Lamb Rack for 4 $298👉🏻羊排。佢有分2人份（$198）/4人份（298）。因為覺得2人份實在太少，所以都係叫4人份量。呢個反而有點失望。羊肉無咩味。不過肉質算嫩。
。
👄Baked Apple Crisp $68👉🏻呢個我期待左好耐～～～～一坐底已經叫店員留定個比我～因為小妹我好好好鍾意食apple crumble~
呢個甜品係用細蘋果挖空個心，將d蘋果肉切粒同肉桂糖一齊煮，之後將煮過既肉連汁倒返入空心蘋果度～蘋果都會出水，所以內裡變得好juicy~~我估整個蘋果有焗過下，因為連個空心蘋果都變淋d~ 真係可以整個食落肚～好好食～除左插喺度裝飾嗰條肉桂條唔食得之外，haha~!
。
服務：讚！個個雖然好忙，但唔會扮睇唔到你，而係會即時應你並且好好禮拜面帶笑容～ 行去洗手間時店員會讓開比你行先，呢點好多侍應已經唔識，成日同客爭路，所以呢度既staff traning唔錯！仲有，我叫得太多野食 （LOL) 張2人枱唔夠位放，佢地即自動自覺搬張枱過嚟同我加大張枱，超貼心！（我覺得有點唔好意思呢^_^）
有唔少朋友都已經有興趣嚟食～我都會再光顧！
张贴
