御苑酒家

週未在酒樓設數圍喜宴, 過程都一般服務. 但最後都係比錢換來一肚氣.

因訂菜前, 我們是每圍加$100 把炸子雞換上麒麟雞, 所以便特別注意這道菜, 上菜時, 雞件是散開切了一件件, 四方型砌成一碟, 沒有一位可以說出食到滑的部份. 再者我們加錢是因為話要鮮雞做料. 但這又平又扁的一塊塊雞片, 一咬之下已是無肉質的雪藏雞味. 但基於喜宴在前. 也不想掃興. 便到尾聲才和經理反應一下.

那位經理聽後. 只是大大聲堅持著酒樓攞貨是攞鮮雞的. 我說我加錢也只想食鮮雞, 現在我不滿意你的用料. 我想向你反映一下. 那經理還是大大聲, 態度得戚, 帶著冷笑地問到. "咁你食果時又唔同我講, 咁依家我又反問你啦. 鮮雞同雪藏雞係點分?" 之後還連珠向我講著他的理據, 在他身旁的幾位應聲蟲女待應也說到. "係啦. 你早d 出聲痳, 依家咁都無人知啦."我想發言的機會也沒有.莫非要我在喜宴進行中. 我突然話, "大家咪食住. 隻雞有問題呀". 我一心就只是低調處理, 好言相對. 只想得到一些交代. 但卻換來給他把責任推回我身上之餘, 還受著他連反質問.

最後我也完全感覺不到那經理有任何歉意. 就連一句"唔好意思", 也從沒說過. 他還對我說和我訂菜的經理不在. 之後他就放下帳單. 這是什麼態度. 難道責付的經理不在就可以不理. 咁經理不在. 我係咪都可以唔比錢. 等經理反先比.

大家有心設宴, 就請以此為鑑. 沒有做好自己本份. 還推卸責任, 三思三思.