Trois Cafe (已結業)

收到風知道灣仔既Trois cafe 今期主題係「夏日加油站」，於是我就call埋同我一樣鐘意夏天既朋友去食野同打卡！結果不負眾望，無論食物同佈置都係非常之出色！我試左大啡菇黑松露白酒扁意粉而朋友試左龍蝦大蝦扁意粉！兩個意粉非常好食，啡菇大隻厚身同軟冧冧，入口有淡淡酒香同濃郁嘅黑松露味，層次非常豐富！而龍蝦大蝦意粉亦非常好食，無論龍蝦同大蝦都非常新鮮彈牙，意粉亦同樣出色非常好食😋之後再黎左兩客磨菇湯！磨菇湯好多新鮮嘅磨菇粒，咬落去非常之有口感！而湯亦好滑同好濃郁！好味😋之後仲食個檸檬潛水艇同飲左杯summer punch！兩個都係用檸檬🍋整成！撻鬆軟而飲品有酸酸甜甜，好岩而家夏天飲！食完野之餘，我地仲留左係到打卡，因為呢度夏日佈置非常靚，好多打卡位！我同朋友影到唔捨得走！大家除左食野之餘仲要記得同兩隻檸檬潛水艇裝飾影相📸️