Camellia (已結業)

難得平日放假可以同好朋友食LUNCH, 一於去K11 Musea行街食飯, K11 Musea 不論坐巴士或港鐵都好方便, 而且商場好大, 慢慢下食下野真係可以消磨大半日。我地揀左Camellia, 餐廳主打粉紅色, 再由好多花花佈置, 實在係打咭天堂。我同朋友因為無訂枱, 樓面職員話已預留座位比其他人, 所以我地唯有坐最出面座位, 但答應如果無人可以調返我地入去。ORDER 左 :番烤比目魚 $168煎香茅脆皮豬扒 $168兩杯乳酸飲品 (忘記左個名)餐廳不論餐具, 環境都好靚, 可惜食物份量真係太小, 真係唔夠飽。不過味道就搭夠, 比目魚煎得甘香, 慢慢品嚐時食到比目魚魚油香味。煎香茅脆皮豬扒果然做到脆皮效果。肉質夠淋有味, 不得不讚。兩杯乳酸飲品好清爽, 易入口, 值得一試。我地食到一半, 竟然見到WALK IN客有得入坐, 我相信…..我地被遺忘左。唯有問另一職員, 最後佢地都能夠協助我們調回卡位。食飯當日係朋友生日, ORDER左甜品都可以加生日牌, 值得加分。