桃園制作粥麵餐廳 (海趣坊)

桃園係附近街坊經常幫襯的餐廳，因地方夠大、座位又多，最重要係食物嘅味道調較得幾好，份量都好多。所以好抵食架！

早餐、午餐、下午茶、晚餐嘅種類都好多，中式西式都有，就咁睇餐牌嘅相，賣相已經好吸引，估唔到實物都唔會令人失望！

早餐叫咗個香煎豬扒餐，再加$6多個通粉比小朋友食，份量絕對夠晒食！豬扒味道調較得啱啱好，又唔會「鞋」，仲有個蒜蓉包，超正！

雖然呢個火腿通粉只係加$6，但都唔遜色，小朋友都話好好食！

總括黎講，抵食！