影片
更多
2013-08-23
993 浏览
今日，難得放假，一心同男友去又一城睇戲、兼食餐好少少嘅飯浪漫吓，點知，食到要打去食環署。我男友叫咗一份肉眼扒，起初叫六成，嚟到係九成九熟，同侍應反映完，個侍應話做過份，再嚟一份，係八成熟，都算，點知，塊扒完全冇肉味、唔係紅色、似豬肉多過牛肉、唔係煎似烚熟、脂肪有陣羶臭味，好明顯塊扒一係放咗好耐、一係低價劣質貨，終於明白叫六成整九成九熟嘅原因。再同個侍應反映，佢話會同上級反映後，就不了了之。結果，我男友食完返屋企就唔舒服，個胃頂住、跟手作嘔、半夜四點我打去食環署投訴，而家跟進當中。哩個品牌嘅餐廳，都算薄有名氣，一向食物也不差、咖啡也不錯、價錢也不算平，其實，一份 $188 嘅肉眼扒係冇錢賺，局住要入劣質貨、或好少客點，而令到存放太耐肉質起變化，倒不如取消哩道菜色，吓吓要食到啲客唔舒服、打去食環署、上嚟寫一大段嘢反映，客人浪費時間之餘、餐廳又要收告票，又何苦？！哩次係我生平第一次打去食環署，唯一多謝間餐廳，係令我發現食環署原來 24 小時（1823）都有人接聽，又識多樣嘢。因為，間餐廳係我揀，我個唔生性嘅男友好怪我，結果，好好地一日假，最終，嘈交收場，今次，我唔追究到底，我唔姓樊，緊接，係
今日，難得放假，一心同男友去又一城睇戲、兼食餐好少少嘅飯浪漫吓，點知，食到要打去食環署。
我男友叫咗一份肉眼扒，起初叫六成，嚟到係九成九熟，同侍應反映完，個侍應話做過份，再嚟一份，係八成熟，都算，點知，塊扒完全冇肉味、唔係紅色、似豬肉多過牛肉、唔係煎似烚熟、脂肪有陣羶臭味，好明顯塊扒一係放咗好耐、一係低價劣質貨，終於明白叫六成整九成九熟嘅原因。再同個侍應反映，佢話會同上級反映後，就不了了之。
結果，我男友食完返屋企就唔舒服，個胃頂住、跟手作嘔、半夜四點我打去食環署投訴，而家跟進當中。哩個品牌嘅餐廳，都算薄有名氣，一向食物也不差、咖啡也不錯、價錢也不算平，其實，一份 $188 嘅肉眼扒係冇錢賺，局住要入劣質貨、或好少客點，而令到存放太耐肉質起變化，倒不如取消哩道菜色，吓吓要食到啲客唔舒服、打去食環署、上嚟寫一大段嘢反映，客人浪費時間之餘、餐廳又要收告票，又何苦？！
哩次係我生平第一次打去食環署，唯一多謝間餐廳，係令我發現食環署原來 24 小時（1823）都有人接聽，又識多樣嘢。因為，間餐廳係我揀，我個唔生性嘅男友好怪我，結果，好好地一日假，最終，嘈交收場，今次，我唔追究到底，我唔姓樊，緊接，係考慮要換過個男朋友。
张贴
