樸生 (已結業)

星期日冇野做同朋友係青衣城搵野食。呢一間係青衣城都開左一段時間，但係一直都冇乜機會試。今日朋友話想食，咁就坐左入去。呢間野嘅食物都係日、韓為主。我見佢午市都好似有得打邊爐，但係我連早餐都冇食，唔想食得太重口味。咁我叫左個魚生飯。整得好靚仔，咁三文魚腩有八塊。我自己本身中意食三文魚腩，因為佢食落去香過普通三文魚好多😋😋飯嘅酸我覺得啱啱好，食得幾開胃。好快就食哂😣😣其實份量都唔細。沙律醋就反而落得太多，味道太重。🤢🤢另外佢嘅嘢飲係自己任沖，見到水面浮左一層野，可能個杯唔多乾淨定本身柚子蜜真係會沖到咁。自己飲得唔太安落。飲左半杯就冇飲🤦🏻‍♂️🤦🏻‍♂️