我愛慢煮 (孖沙街) (已結業)

今日黎上環聽音樂會，搵左呢間距離地鐵站3分鐘嘅餐廳試一試。餐廳安排比較似快餐店，要自己去櫃檯落單，比完錢先有得食，餐具、水全部要自己拎。叫咗油封鴨髀、豬扒、沙律、芝士忌廉菠菜。油封鴨髀幾香，但肉質偏乾，麻麻哋好食。豬扒夠軟身，入味，味道比鴨脾好好多。沙律冇乜特別，普通菜，亦冇特別調味。芝士忌廉菠菜反而有驚喜，好多芝士，鹹香好食。如果可以揀位，一定唔好揀門口嗰幾張，油煙大到飛起，直情見到白色煙霧係空氣裏面飄蕩。本身食完想坐一陣，但油煙味大到急急腳要走，十分趕客，希望餐廳可以改善抽風系統。