小肥羊 (已結業)

前個星期六同朋友四個人去荃灣呢間小肥羊食火鍋，事前訂左位啦，一去到都即刻比到位我地。但係一坐低無耐，睇緊餐牌就收到個電話，問我係咪訂左位，我話係，咁佢就話係啦，點知佢話：「咁你想點呀？」。我心諗就算我未到你都唔使咁語氣下話，何況我地已經坐低開左茶，到左未都搞唔清，真係想同佢講我想點菜，叫佢叫人幫我落單，不過最後佢都有講唔好意思。九點後牛羊半價，我建議盡量叫半價的東西就好，$40 - 50 有一大碟羊，但差不多$30 先得果半打羊肉雲吞（無半價），麻辣湯底都ok 辣，驚辣的朋友可以叫鴛鴦湯底，仲平$10添。仲有加湯方面，其中有一次加湯加到落枱面，個待應第一句話竟然係好危險呀，而唔係對唔住。另外第二次由於湯底太濃，我地叫佢加水，點知佢就係照樣加湯。總括來說，食物都ok，但係服務就真係認真麻麻地。