有間茶館 (已結業)

今日諗唔到lunch 食咩，就落樓食間平時少食嘅，見佢又唔算太貴。叫左個豬軟骨肉燥飯，跟餐有小食送，我揀左炸菜腎片，飲品可以揀16蚊嘅飲品，我揀左芋香朱古力要加2蚊，total 42蚊。先講服務，因為我係外賣所以我行去櫃臺order,眼見樓面嘅一個女人見到我，我同佢講我要叫外賣，但佢完全唔理我唔答我，照做自己野，後黎我叫多聲佢先應我，我落梗order時因爲唔知有咩飲品揀，我問佢拎個餐牌望一望，佢就立即掉個餐牌比我再話'出面咁大個餐牌你都唔睇？！'ok我認我冇留意到出面有飲品餐牌...但咁態度又令我有hard feeling。同場見有位小姐問佢拎餐牌佢都一日係用掉嘅方式比人....講返食物，肉燥飯嘅肉燥好味，但豬軟骨就略微偏咸，飯亦夠多仲有幾片椰菜，但如果多少少菜會較好。炸菜腎片味道唔錯，炸菜唔會太咸，腎片亦入味。香芋朱古力，有淡淡嘅芋頭味，但又唔會太甜，唔錯。