牛角日本燒肉專門店 (奧海城2期) (已結業)

平時食燒肉都好鍾意去牛角 襯住情人節去咗試佢既放題set 😛食物質素一如既往唔錯 上菜速度正常 有啲漏單但唔過份😉（但聽到隔離檯催野飲 15分鐘都未上到）⚠️⚠️但係！⚠️⚠️等位安排真係好過分！我係5:25攞飛 當時要等15個 差唔多8:15先入到去😠我明白有book位同特別會員係優先 但係明明一直有人出嚟 就淨係嗌啲book位既🙁有人問店員點解會咁 佢解釋係嗌一張book位 一張優先飛 最後先到普通飛 但事實係完全冇咁做😐不斷比book位同特別飛既人入 差唔多一個鐘冇嗌過普通飛 當然book位一定優先 但門口等位既難道唔係你地既客人嗎？奉勸想食既大家一定要down佢個app攞飛 如果特別節日/假期一定要5:30前攞飛🙄🙄咪一定食唔到 以今日為例：A飛兩人攞飛攞到A3xx 本人食完大概9:30都係嗌到A8x🥵奉勸呢間鋪頭好好諗吓係咪要比咁多人book位 或者呢個制度係咪要存在 因為加埋優先飛既人 當日攞飛既人真係唔使食😬另外店鋪既餐牌 檯凳都有啲油🤔