影片
更多
2014-11-29
3469 浏览
本人從未寫過食評，亦無諗過寫，但今次實在不得不寫。皆因這間餐廳服務態度的差劣讓我大開眼界，萬萬想不到出外用膳會受到如此不禮貌對待。以下是我跟老公在又一城Greyhound Café的一次含冤受屈的用餐經驗。11月22日(星期六) 6時25分左右，我們來到餐廳門口，當時已有人在排隊等候，但人數不多。等了一陣帶位職員話有位，但講明要1.5小時交枱，我地話無問題 (我地曾去過海港城分店，知道呢間餐廳有這規矩亦無異議)。我一坐下即望一望錶，當時是6點半，我驚唔記得仲同老公講我地8點前要走。我地用咗大約10-15分鐘時間決定落單叫鮮蝦帶子墨魚汁麵同鮮蝦雞肉米紙卷兩樣野，入座到落單期間侍應無催過我地落單，只是中途放底兩杯水。好快食物已上齊，我地用正常速度食完，侍應收碟時我地叫佢比甜品Menu我地，一路相安無事的。我地選了Fresh Coconut Crepe Cake同另一款杯裝芒果甜品(唔記得咩名)，一位女侍應幫我地落緊單時，突然另一位女侍應走過來阻止佢落單，黑口黑面兼態度惡劣同我地講:「其實你地已經過晒鐘咖喇，你地7點3交枱嘅。」我望吓錶當時係7時20分。我老公即刻話我地未夠鐘，8點交枱喎!
11月22日(星期六) 6時25分左右，我們來到餐廳門口，當時已有人在排隊等候，但人數不多。等了一陣帶位職員話有位，但講明要1.5小時交枱，我地話無問題 (我地曾去過海港城分店，知道呢間餐廳有這規矩亦無異議)。我一坐下即望一望錶，當時是6點半，我驚唔記得仲同老公講我地8點前要走。
我地用咗大約10-15分鐘時間決定落單叫鮮蝦帶子墨魚汁麵同鮮蝦雞肉米紙卷兩樣野，入座到落單期間侍應無催過我地落單，只是中途放底兩杯水。好快食物已上齊，我地用正常速度食完，侍應收碟時我地叫佢比甜品Menu我地，一路相安無事的。
我地選了Fresh Coconut Crepe Cake同另一款杯裝芒果甜品(唔記得咩名)，一位女侍應幫我地落緊單時，突然另一位女侍應走過來阻止佢落單，黑口黑面兼態度惡劣同我地講:「其實你地已經過晒鐘咖喇，你地7點3交枱嘅。」我望吓錶當時係7時20分。我老公即刻話我地未夠鐘，8點交枱喎! 佢個樣好懷疑，重覆咗幾次話出面同事話你地7點3交枱，話你地食咗好耐，我即刻火都嚟，我行得正企得正，大大聲同佢重申我地係6點半先入嚟！！ 我記得入嚟時隔離枱已食到一半，我話我地仲遲過隔離入嚟，你都未話過鐘啦！ 隔離枱都睇唔過眼話，係呀佢地遲過我地嚟架! 佢於是好似好唔忿氣咁講咗句:「如果你地想點嘅比你地食埋囉。」嘩! 我心諗我係咪要多謝你施捨呀！?
印象中佢地一句對唔住都無講，當時我已經好嬲，我同老公講不如唔好食走啦，老公堅持我地無錯做咩要走。隔離枱食客埋緊單，佢地同我地講可能係佢地過鐘，唔係我地，侍應應該搞錯了。而喺我地等緊甜品的時候，我見到剛才話我地過鐘的女侍應，在不遠處同另一位著黑色西裝不知是否經理的女子兩個黑晒面望住我地張枱討論，我聽唔到佢地說話內容，但佢地舉動令我好唔舒服，好似被人指指點點咁。個女侍應再行過來時我忍唔住話唔該你地搞清楚先話人啦，佢仍然好似人肉錄音機咁話唔知，係出面同事話我地7點3要交枱，佢地並無確實記錄我地幾點鐘入嚟。我話你地應該有記錄我地幾時落單，佢竟然話幾時落單唔可以作準，仲加多句話有人見到我地坐咗好耐都未落單！我話10分鐘好耐咩！? 聽到呢句我直頭氣頂，即係到而家呢一刻你地仲覺得我講大話呃你地，強行霸住你地張枱唔認，令你地做唔到生意，你地無搞錯? 由於實在委屈氣憤難平，本人當時面口已極度難睇，佢最後講咗幾句唔好意思就行開咗。我地最終在7時45分埋單離開餐廳。
根本件事由頭到尾都係佢地出錯，佢地搞錯咗已經唔啱，如果佢地一早同我講句對唔住我唔會咁嬲，我最嬲係佢地的態度，一路都好似我講緊大話咁，我有必要霸住你張枱嗎? 從未試過這樣被人屈！ 這根本是對我人格的一種侮辱！這是對客人應有的態度嗎? 莫講話對客人，這是連對一般人應有的尊重都沒有！
最後，我做人好公道的，這畢竟是一篇食評，我會如實評論一下當晚的食物質素:
1. 鮮蝦雞肉米紙卷: 個米紙卷本身無咩味，但係個醬汁好好味，酸酸甜甜好開胃。(無影相)
2. 鮮蝦帶子墨魚汁麵: 墨魚汁麵好好味，帶點辣味，帶子鮮甜，鮮蝦爽口。(無影相)
3. Fresh Coconut Crepe Cake: 麻麻地，食咗少少覺得好滯
4. 杯裝芒果甜品(唔記得咩名): 下面啲糯米飯好硬又唔甜，難食! 中間芒果肉無味，上面椰子雪葩幾清新，整體不過不失。
题外话/补充资料：
這間餐廳已被我永久列入黑名單，無論食物質素有多高我永遠都不會再光顧！
(以上食记乃用户个人意见 , 并不代表OpenRice之观点。)
张贴
