，另有茶王廳，入去茶王廳每個茶位會貴少少但係有靚茶葉飲，同價錢算合理，但今日再被收銀阿姐差劣態度影響心情，一定要係到寫出嚟投訴！要酒樓集團知道請咗低質員工係到！
我今日同老人家去飲下午茶，之後攞埋張單行出去收銀台埋單(係魚缸旁邊收銀台，唔係大門口嗰邊的收銀台，我唔想投訴錯人), 由於之前落單有寫到潮州粉果，但最後無嚟，咁我同收銀阿姐(帶眼鏡) 講："唔該幫我取消碟粉果，無嚟到。" 但佢當時同旁邊嘅阿姐傾計(係傾得好投入好開心果種！) ，無在意我嘅說話，跟住印張單出嚟，我一睇都係有計到碟粉果，我再好禮貌同佢講無取消到，佢先取消，面色開始唔好睇，好似要佢多做功夫咁！佢一直都傾緊計無停過！
最火滾係當我俾完錢，問佢俾張手寫單我，佢就一邊寫一邊講："又要哩樣又要嗰樣，又要收錢又要寫手寫單，點做得咁多嘢？！如果人多就XXXXX(我都唔記得太多，總知係發牢騷嘅說話！當時我後面無客等埋單，得我一個，就算有人，寫手寫單好難？我因為當時有老人家在旁，否則我唔會客氣會同佢拍枱！今日咁嘅時勢仲有人因為阻住佢傾計就要俾面色客睇？
我希望香港仔街坊睇遇到我講嘅情況，都寫出嚟，俾酒樓集團知道要處理！
除非阿姐係老板個親戚鐘意點就點！
