影片
更多
2009-02-11
9 浏览
星期六晚本來係想同男朋友食outback但係記得三四年前黎過呢度食tea, 感覺清靜+坐得幾舒服所以就黎試原本佢係比中間d 圓我地坐, 邊位full 左,咁我地都無乜所謂, 就坐係度睇menu睇睇下見到邊位有人埋單, 咁我地又未叫野食,而且出面亦無人等緊(星期六晚都係坐左50-60%既位), 就同左一個男仔講話想轉過去當時個男待應話"好呀, 執完就調得過去", 咁佢就行開左後來我地見佢執好晒, 就同左另一個講英文(我唔知佢咩國家既人)既女待應講我地要坐過去, 佢啤一啤我地(sorry 我都唔想咁講, 但係佢真係一絲笑容都無)話that table is reserved 咪玩我啦, 你成間鋪都係吉位呀, 張亦無放任何reserved 的牌!!!咁我地就唔出聲, 等到之前個男待應出返黎, 我地再同佢講, 佢又比我地過去喎之後我地全晚有野幫忙都淨係搵個個男待應講完service 講野食我地叫左一個積丹尼芝麻雞柳, $88大概有7-8 條炸雞柳, 雞肉好味, 滑++仲有肉汁, 炸雞黎講都幾難得個sauce係jack daniel 汁， 但係好甜好甜， 亦無乜酒味， 所以我地最後點
本來係想同男朋友食outback
但係記得三四年前黎過呢度食tea, 感覺清靜+坐得幾舒服
所以就黎試
原本佢係比中間d 圓我地坐, 邊位full 左,咁我地都無乜所謂, 就坐係度睇menu
睇睇下見到邊位有人埋單, 咁我地又未叫野食,而且出面亦無人等緊(星期六晚都係坐左50-60%既位), 就同左一個男仔講話想轉過去
當時個男待應話"好呀, 執完就調得過去", 咁佢就行開左
後來我地見佢執好晒, 就同左另一個講英文(我唔知佢咩國家既人)既女待應講我地要坐過去, 佢啤一啤我地(sorry 我都唔想咁講, 但係佢真係一絲笑容都無)話that table is reserved
咪玩我啦, 你成間鋪都係吉位呀, 張亦無放任何reserved 的牌!!!
咁我地就唔出聲, 等到之前個男待應出返黎, 我地再同佢講, 佢又比我地過去喎
之後我地全晚有野幫忙都淨係搵個個男待應
講完service 講野食
我地叫左一個積丹尼芝麻雞柳, $88
大概有7-8 條炸雞柳, 雞肉好味, 滑++仲有肉汁, 炸雞黎講都幾難得
個sauce係jack daniel 汁， 但係好甜好甜， 亦無乜酒味， 所以我地最後點茄汁算．．．
叫左鮮蝦雞肉闊面, 係cream sauce 黎, 蝦同埋雞肉都好味(佢呢間d雞真係唔錯^^) , 不過個sauce 比起出面煮得好稀, 直情係好似湯咁…”掛”唔到上d意粉度,好重既奶味, 我男友就唔鍾意, 我鍾意呀結果我清晒
份意粉唔大份, 如果唔食其他野, 淨食意粉, 呢個只係一人份量, 賣到$158!!
正如下面d人咁講….佢既份量比人少成半…真係賣得好貴囉...佢亦唔係好味到第二度食唔到...我情願食little italy or dan ryan!!!
最後叫左杯 pepsi light, 黎到啜左啖, 無氣既????仲要好淡好淡
直情好似糖水咁…好似你買左家庭裝既可樂, 飲唔晒放左係雪櫃幾日拎返出黎飲個種無晒氣既可樂咁…仲要再淡d, 由側邊望一望杯野, 個色係iced tea 咁既色, 透透地咁...乜pepsi 唔係黑色既咩? (但係個杯糖水係可樂味的, 唔係俾錯我)
我唔知係佢d 野溝左水定係放左好耐, d冰溶晒係入面, 但係總之就係不能接受!!!
最後埋單三百蚊, 其實真係每人食左半份意粉同埋幾條炸雞, 貴到死仲要受氣, 以後還是乖乖地去outback 好了...
P.S. 當晚係星期六晚, 都幾多人係一班frd 去慶祝生日, 待應會圍住你張同你唱歌嫁, 都唱左三四….但係佢地唱完之後會吉爆一個氣球, 頭一次張好近我, 都嚇左一嚇, 女士們要有心理準備, 佢地唔係唱完就算嫁 XDXDXD 仲有大電視睇波, 生日/鍾意睇波既朋友都幾岩呢間既
张贴