影片
更多
2010-11-07
131 浏览
聽過唔少國金軒的消息，得知佢嘅招牌響當當，最出色係做fusion中菜。今日聞名不如見面，食物果然做得唔錯，但服務同管理都意外地差。 北京片皮鴨 (Grade: 4/5)先嚟個餐廳嘅招牌菜 - 北京片皮鴨。夠竟片皮鴨可以有幾特別? 原來就特別在包片皮鴨嘅薄餅身上。廚師預備咗三種不同嘅薄餅，分別有原味、菠菜味同薑味，三種味道帶出三種唔同嘅效果。食神本人覺得菠菜味味道比較特別，薑味就唔講都食唔出。 酒香鮑魚 (Grade: 2.5/5)賣相一流，入口感覺似食醉雞的酒香味，但鮑魚本身就質感一般。 紅酒炆牛尾 (Grade: 4.5/5)普普通通嘅一道菜式好多時先試出真功夫，例如咕嚕肉、芥蘭牛肉等等都係家常菜但係做得出色並唔容易。呢道炆牛尾用紅酒汁慢火炆，再加入紅蘿蔔、香芹等等嘅材料，令醬汁更濃更杰，牛尾、牛筋等亦自然更加入味。極度推介！ 東星斑球伴南瓜 (Grade: 3/5)好一個酥炸東星斑球，再伴上tempura style嘅炸南瓜重疊一起，味道豐富，不過一人一件就未免少咗D。 XO醬西蘭花帶子 (Grade: 2/5)一道紅酒炆牛尾做得鬼斧神功，想唔到另一道普通嘅家常菜卻失之交臂
北京片皮鴨 (Grade: 4/5)
先嚟個餐廳嘅招牌菜 - 北京片皮鴨。夠竟片皮鴨可以有幾特別? 原來就特別在包片皮鴨嘅薄餅身上。廚師預備咗三種不同嘅薄餅，分別有原味、菠菜味同薑味，三種味道帶出三種唔同嘅效果。食神本人覺得菠菜味味道比較特別，薑味就唔講都食唔出。
酒香鮑魚 (Grade: 2.5/5)
賣相一流，入口感覺似食醉雞的酒香味，但鮑魚本身就質感一般。
紅酒炆牛尾 (Grade: 4.5/5)
普普通通嘅一道菜式好多時先試出真功夫，例如咕嚕肉、芥蘭牛肉等等都係家常菜但係做得出色並唔容易。呢道炆牛尾用紅酒汁慢火炆，再加入紅蘿蔔、香芹等等嘅材料，令醬汁更濃更杰，牛尾、牛筋等亦自然更加入味。極度推介！
東星斑球伴南瓜 (Grade: 3/5)
好一個酥炸東星斑球，再伴上tempura style嘅炸南瓜重疊一起，味道豐富，不過一人一件就未免少咗D。
XO醬西蘭花帶子 (Grade: 2/5)
一道紅酒炆牛尾做得鬼斧神功，想唔到另一道普通嘅家常菜卻失之交臂。西蘭花煮得未免過冧，口感全失。帶子則感覺好"雪藏"，完全無鮮味。再加上一個糊達達嘅XO醬汁，真係失敗之中嘅失敗。
服務 可以話無服務可言
(1) 我哋多次向不同侍應要求要牙籤，但係完全無人記得。
(2) 我哋多次向不同侍應要求埋單，但係侍應不停忘記，最後擾攘超過十五分鐘之上。
(3) 帳單最終嚟咗，但侍應又唔小心同另一枱嘅單 mix up，最後要 void 咗張單再錄過。
(4) 國金軒都算係一級嘅中菜廳，但係當晚有幾張枱嘅人客走咗，侍應都無番枱，任由食剩嘅食物放響度，有礙觀瞻。最重要係餐廳其實侍應不少 (當晚比例約一個侍應對一枱客左右)，所以根本唔係人手不足嘅問題，而係服務、管理質素問題！
整頓晚餐五人嘅菜式，一吃就三個鐘頭，上菜、埋單都好慢，老人家都唔耐煩，埋單中途己經走咗，仲千叮萬囑，以後千萬唔好再幫襯。其實餐廳食物真係唔錯，點會攪成咁。。。
张贴
