BLT Burger (已結業)

去開海港城行街，行到九點到，見到依間野無咩人就試一次！兩個人叫左一個澳洲和牛漢堡combo$188，要五成熟，要薯格，加$25要berry me！另外點左一個baby ribs$148!等左十五分鐘到，黎左罐唔知咩野soda,個waiter一拎埋黎就自己開左佢倒左落杯冰度，咩野都無講就走開左！我地就叫另一個waiter 換返佢，佢應承換返，但係面囗同態度都麻麻😡！等多五分鐘，啲野食就一齊黎😡!杯berry me似沙冰多過milkshake,味道好淡靠上面果舊cream 溶左先有啲味😰，個baby ribs又干又黑，一啲肉汁都無，好似食紙皮咁😓，最正常係個漢堡，係個肉有啲over,同無咩肉味，都叫做可食用既😪跟果個薯格就炸得有啲干，跟住野都未食完就話last order，出埋張單😡埋左張單，我地繼續食，果啲waiters 係咁係係張枱附近行黎行去，望住哂，好似俾壓力你咁😡我覺得咁既價錢，咁既食物加埋咁嘅服務食第二間好過啦