古今

营业中

休息中

平日去食lunch，叫左兩個定食（三文魚親子丼，壽司加烏冬）加一串串燒。成個餐廳得兩檯有人，但係廚房速度勁慢。落單之後，等左成半個鐘，個烏冬都未到，催第一次伙計直情無入廚房、唔睇單，淨係覆左一句「廚房啲單陸續整緊㗎啦」。然後等多10分鐘再催單，伙計先入去廚房睇。我地話唔夠時間諗住取消個串燒，我地係出面叫幾次唔該唔該都無人理，有另一個伙計聽到，冇理我地調頭走入廚房。最後伙計攞左一個雞翼同齋烏冬出黎，我地話想取消雞翼，佢好唔禮貌同另一個伙計講「佢地又話唔要喎」跟住烏冬終於黎到，一個咁簡單嘅菜式都要催咁耐… 本身應該係醬油烏冬，但好似係清湯烏冬咁… 伙計態度都唔好，少少表示唔好意思都無…食物質素好普通，完全唔值。唔明點解openrice咁高分… 一定唔會再黎幫襯！