Mango Tree Café (已結業)

一心想試新嘢， 同老公行完山去食lunch, 就揀咗mango tree cafe. 假日關係，場內坐無虛席， 等咗10分鐘獲安排入坐， 用餐限時1.5小時。想試出名cream brulee, 賣晒。 反正肚餓叫個fusion 金不換辣肉炒意粉&雞絲札肉湯粉試下。 眼見場內服務員好新， 不斷打爛嘢聲， 都知道伏， 由落單，傳菜到廚房都一環一環出錯。我地等咗30分鐘， 湯粉送咗去隔離枱， 人地遲過我地落單， 食完碗粉， 我地一碟嘢都未上， 人地第二碗粉又到， 先發現之前送錯枱， 我地又再落空， 我終於發聲， 點知1嚟嚟2碟意粉， 又漏咗過湯粉， 場內又打爛嘢喇！亂亂亂，叫佢收走多咗嘅意粉， 免佢charge 多咗。湯粉終於上枱， 個雪碧又未上，sigh.... 想試下嘅朋友，要等等， 佢地做熟d先喇， 我未食已經一肚氣， 完全無service recovery, 口爽爽一句sorry 跟緊， 就算。。。