影片
更多
2022-08-30
335 浏览
食生日飯，一去到坐低都幾期待因為新開，又有個靚景望住食飯，室內環境都唔錯 如果唔係夏天應該會坐出邊。齊人開始嗌嘢食 六條友食嘢 同個侍應點餐 （叫佢A侍應）佢冇用紙筆亦都冇用任何嘢去記低我哋嗌啲咩 我問佢你係咪真係記得㗎 佢話係。仲有問佢其中一道菜入邊大概有啲咩食材 佢話唔肯定因為第一日返 咁我話唔緊要啦你幫我問一問再同我講。隔咗5至10分鐘後都冇人過嚟答我個問題 咁我再重申搵求其一個侍應再問多次 終於答到我個問題。一開始上菜都幾快 但係有啲太快 連最普通嘅西餐上菜次序都冇 嗌左3個前菜+3碗湯+兩個Pizza兩塊牛扒一個意粉 點知一上菜淨係嚟咗一碗湯同埋一塊牛扒 心諗前菜都未上齊 食都未食 就俾個主菜我😅😅 我即刻同經理反映 同埋問佢其實幫我哋落單嗰個A侍應有冇點齊野 點知原來淨係點咗一個湯😀 咁都算啦 經理話個牛扒會再重新整過 等我哋食完前菜先上 前菜食到7788嘅時候就開始上main ，A侍應將刀叉個柄就咁掉咗喺啲mustard 上面 果下真係X出聲 個餐廳經理即刻過嚟了解件事 咁最後佢俾咗個折頭我哋同埋送咗啲嘢飲 但係完全冇道歉 以為打咗個折就可以當冇事發生食物質素價錢：味道一
食物質素價錢：味道一般 份量都好少 所以唔值呢個價錢 after discount total $2xxx
张贴