影片
更多
2012-04-19
542 浏览
自從上年7月quit 咗份工, 近一年來不斷飛飛飛去旅行, 返到HK 就梗係會吓好朋友。同姊妹淘相聚就當然係high tea 最好!今次揀喱度嘅主要原因係可以訂位, 唔洗浪費時間排隊或先登記又唔知俾唔俾到枱你! 難得好姊妹特登請半日假陪我hea, 我哋慳番啲時間傾計好過! 雖然喱度冇view, 但環境尚算雅逸, 最重要係未淪陷成自由行人士熱點, 唔會嘈到拆天, 可以靜靜地同姊妹談天。我哋2:45pm 抵達, 當時得兩三枱洋客, 我哋揀咗個梳化 low table 位坐, 一名年輕, 肥肥哋, 笑容可掬嘅waitress 好有禮貌咁告知我哋high tea 時段3pm 開始, 放低menu 請我哋先選擇 tea set 同drink。其實得兩set 選其一, 都差唔多, 我們揀咗《Beauty and the Beast》, 似乎係啱啱加咗價, E家要$198 for 1 & $378 for 2! 老實講, 如標題所言, 食物一般, 都係底層咸點, 上中層甜點。 咸點味道比較好, 我哋全部食哂, 但甜點好一般, 全部都係朱古力製成品, 甜度好高, 加上唔知點解有好多蚊滋仔, 係咁"嬲
自從上年7月quit 咗份工, 近一年來不斷飛飛飛去旅行, 返到HK 就梗係會吓好朋友。同姊妹淘相聚就當然係high tea 最好!
今次揀喱度嘅主要原因係可以訂位, 唔洗浪費時間排隊或先登記又唔知俾唔俾到枱你! 難得好姊妹特登請半日假陪我hea, 我哋慳番啲時間傾計好過! 雖然喱度冇view, 但環境尚算雅逸, 最重要係未淪陷成自由行人士熱點, 唔會嘈到拆天, 可以靜靜地同姊妹談天。我哋2:45pm 抵達, 當時得兩三枱洋客, 我哋揀咗個梳化 low table 位坐, 一名年輕, 肥肥哋, 笑容可掬嘅waitress 好有禮貌咁告知我哋high tea 時段3pm 開始, 放低menu 請我哋先選擇 tea set 同drink。
其實得兩set 選其一, 都差唔多, 我們揀咗《Beauty and the Beast》, 似乎係啱啱加咗價, E家要$198 for 1 & $378 for 2!
老實講, 如標題所言, 食物一般, 都係底層咸點, 上中層甜點。 咸點味道比較好, 我哋全部食哂, 但甜點好一般, 全部都係朱古力製成品, 甜度好高, 加上唔知點解有好多蚊滋仔, 係咁"嬲"住啲甜食, 所以我哋冇乜興趣都冇乜點食, 亦冇乜好講。 但值得一讚嘅係 scones! 對我嚟講, scones 一向係一頓high tea嘅靈魂, 喱度冇將 scones 放埋喺三層架度, 而係當我哋食完咸點後無幾耐, 笑容可掬嘅waitress 先將放喺籃裡面以餐布保溫嘅四個小小scones連同 clotte得d cream, strawberry jam & butter 奉上, 細心非常! 第一時間幹掉暖乎乎嘅佢哋, 味道很好質地不乾不硬不鬆散, butter是不必的了, 而個strawberry jam 當然係唔能夠同文華嘅 rose jam 相比, 但佢唔太甜有酸度都算好唔錯喇! clotted cream係重點, 喱度嘅都算幼滑味香唔太膩, 合格有餘啦!
我本身係一個coffee monster, 但一頓 high tea 嘅點心唔會light 得去邊, 加上會坐上一段時間, 所以揀茶會比揀咖啡化算, 因為咖啡只會serve 一杯, 而茶慣常都會係一壺, 可以飲耐啲之餘亦比較消濟。喱度嘅tea list 選擇唔算少, 我穩穩陣陣要Earl Grey Tea, 而姊妹就揀咗Apple Tea。茶以重身靚靚銀茶壺盛載, 好鍾意! 茶夠香濃因為茶葉好多又完整大塊唔係茶葉碎, 抵讚!! 鮮奶以一小銀壺奉上, 但可惜係凍嘅! 即時問甜姐兒waitress有冇熱奶, 佢又好有禮貌咁話唔好意思, 即刻幫我換, 要再讚!! 壺茶可倒兩滿杯, 再加了一次水, 泡上一陣依然香濃, 我諗其實再泡一次都仲會有茶香, 但吃吃喝喝談談笑笑一轉眼原來巳經坐咗三個幾鐘, 姊妹想逛逛街shopping 所以埋單走人。 但如果想繼續坐係冇問題嘅, 因為喱度係lobby lounge 唔係 restaurant, 唔洗準備dinner, 只係多咗一兩枱happy hour 客, 坐耐啲都唔會令人覺得唔好意思。
悠閒小敘, 喱度絕對係一個值得推介嘅好地方!
题外话/补充资料：
冇credit card 有 discount
(以上食记乃用户个人意见 , 并不代表OpenRice之观点。)
张贴
