村爺爺車仔麵 (已搬遷) 新店位置

入到去坐底之後，被個樓面亞姐好不禮貌地叫返我出去門口外面先點食物，才入店內坐。食物到了，聽到個亞姐問個外賣客要唔要辣先知廚房冇問過我要唔要辣汁，問返個樓面亞姐，佢好不客氣地問我你要咩辣，我問佢有咩辣，佢竟然答我唔知你要咩辣，九唔搭八，好不禮貌。聽到佢對住其他食客都好不禮貌，例如，有個男食客碗麵漏了餸，樓面亞姐好大聲同廚房講：比返xx嗰個男人呀⋯⋯其實廚房加樓面數埋都起碼有四個人手，成間店可容納約十幾人，但又不肯幫客人落單但又點d客出返門外點食物好麻煩，而且經常比漏野，錯漏百出。食物一般，沒有什麼特別，份量少，性價比不高，食左$42。而且地方太迫夾，坐得好唔舒服，想食完快d走。總括來說，可以不試。