十二味 (LADDER Dundas) (已結業)

如果淨係講食物 係好味的我本身對服務無特別期望，但離場時都非常失望。好食的餐廳非只你一間，巿場上顧客大把選擇。我朋友有訂位，到咗之後坐低：「用餐時間90分鐘，寫到明㗎」呢句係我第一句聽到的對白。九十分鐘後，無爆場無要我地埋單，我地就加點咗甜品，亦都預咗有客我地都可以走⋯然後到了一刻，有客人來，店員衝埋嚟一句「你地坐咗180分鐘㗎啦」。我又無話唔走？咩事呢？呢句係我第二句聽到的對白。然後朋友問一問，訂枱係咪有九折？店員問「你入嚟時有冇影相？」咁簡單易明同咁有關聯的答法，我一定應該明你講咩啦。我朋友好好地問係影咩相？店員話「寫明㗎，有寫明㗎」雖然我唔知亦唔明邊度寫明，但我地都無再問，俾囉！最後，朋友俾咗張信用咭，但店員x2顧住傾計無過來收。我心諗，我真心怕佢來同我講我已經坐咗185分鐘，主動請佢收。店員「我地只收現金」。哦⋯⋯咁咪俾現金囉。呢句係第五句對白。然後找錢「俾張優惠券你」。呢句係唯一一句我想笑嘅對白。