影片
更多
2018-08-11
607 浏览
今日我同兩個朋友到呢間餐廳晚飯，我用 open rice apps 訂位，非常方便！兩個朋友先去攞位， 負責接待嘅係一位女經理， 我朋友同佢講幾位訂咗幾點， 跟住行埋咗一邊等， 然後呢個女經理搞掂嘅時候就同我朋友講：喂，呢邊（ 點解可以叫個客做阿喂嘅呢？）之後到落單， 個個都好似唔願做咁， 黑口黑面對住你，幫你寫單。我哋3個人嗌咗 一個細冬陰功、 炒椰菜苗、 辣椒膏炒蟹、 豬頸肉撈麵、 一份薄餅、 一份串燒 同埋三杯大樹菠蘿冰， 承惠$855。上面所講嘅餸菜味道都好好， 而且比預期出色，賣相亦好吸引，最驚喜係個辣椒膏炒蟹，好惹味， 所以先嗌嗰份薄餅點埋啲 汁！本來美食可以抵銷佢嘅唔禮貌同埋服務態度， 仲話再嚟幫襯， 不過到last order嘅時候，我哋就咁同佢講要一份串燒，串燒有豬牛雞三款， 我哋冇留意到原來個餐牌上面寫住三款揀兩款， 落單時個侍應亦都冇問我哋要邊款， 到上菜時六串全部都係雞， 因為我食雞有敏感， 於是我就搵咗一個侍應問佢點解全部都係雞， 個侍應就答你哋自己落order嘅時候話要雞， 我哋話我哋根本上唔知要揀， 呢個時候個侍應同我講咁你搵返幫你落order嗰個人講啦，
兩個朋友先去攞位， 負責接待嘅係一位女經理， 我朋友同佢講幾位訂咗幾點， 跟住行埋咗一邊等， 然後呢個女經理搞掂嘅時候就同我朋友講：喂，呢邊（ 點解可以叫個客做阿喂嘅呢？）
之後到落單， 個個都好似唔願做咁， 黑口黑面對住你，幫你寫單。
我哋3個人嗌咗 一個細冬陰功、 炒椰菜苗、 辣椒膏炒蟹、 豬頸肉撈麵、 一份薄餅、 一份串燒 同埋三杯大樹菠蘿冰， 承惠$855。
上面所講嘅餸菜味道都好好， 而且比預期出色，賣相亦好吸引，最驚喜係個辣椒膏炒蟹，好惹味， 所以先嗌嗰份薄餅點埋啲 汁！本來美食可以抵銷佢嘅唔禮貌同埋服務態度， 仲話再嚟幫襯， 不過到last order嘅時候，我哋就咁同佢講要一份串燒，串燒有豬牛雞三款， 我哋冇留意到原來個餐牌上面寫住三款揀兩款， 落單時個侍應亦都冇問我哋要邊款， 到上菜時六串全部都係雞， 因為我食雞有敏感， 於是我就搵咗一個侍應問佢點解全部都係雞， 個侍應就答你哋自己落order嘅時候話要雞， 我哋話我哋根本上唔知要揀， 呢個時候個侍應同我講咁你搵返幫你落order嗰個人講啦， 之後個女經理走埋嚟問咩事， 我哋話唔知原來要揀，跟住你哋幫我哋全部要曬雞， 可唔可以換3串做豬， 佢話唔得喎， 廚房已經收咗爐， 然後我哋話咁幫我哋取消佢啦， 佢再答我哋唔得喎，已經入咗機，之後就轉身走， 最令人火滾嘅係呢三個人嘅態度問題， 佢哋一句唔好意思都冇講仲要用啲極惡劣嘅態度對住我哋。
到埋單嘅時候， 個女經理就咁對張單埋嚟， 我哋話睇下張單先， 佢就同我哋講， 我趕住埋數。
雖然呢間嘢食係好味， 但係我亦都唔會再幫襯！
张贴