Mini Club (已結業)

最近约了朋友在尖沙咀山林道mini club 飲酒,食好野,果度環境靜,側邊的窗打開晒似坐起露台吹風,風景開揚,感覺好舒服,正!飲品我點oreo cookie好濃oreo味, 少少的酒香配上orea, 好好飲；食物方面,我們點了碳燒德國腸拼盤, 黑松露牛乾菌煲仔意大利飯和海膽生蠔；碳燒德國腸拼盤, 拼盤由5款腸組成, 有辣味,有普通,有濃味, 店員細心地介紹每款腸的特色和口感。每款腸腸衣好薄和煎得脆脆,食落不太油膩再配合埋醬汁,沙律醬,芥辣,茄汁,青瓜, 好有德國風,佐酒一流,值得一試(尤其是紐倫堡腸,好彈牙和好香香腸味!)；黑松露牛乾菌煲仔意大利飯, 好特別的菜式,好有香港特色, 意大利飯用煲仔煲熟,配上濃濃黑松露, 廚師在煲仔內塗上少少油, 令飯底做成脆脆的薄飯焦, 又能保持意大利飯原有的口感, 好考廚師功夫, 食落飯有少少焦香而又有香濃黑松露意大利飯, 好有特色, 值得一試；海膽生蠔, 厚厚的海膽生蠔, 好濃香海水味, 蠔好鮮甜, 好大隻, 配上魚籽同海膽豐富, 感覺一次過食幾款海鲜似的, 好食；餐廳環境舒服, 食物一流, 好有特色,食物好新鮮美味, 值得一試。