LAB10 (已結業)

次次食燒肉都一陣油煙味，頭髮有味都仲可以洗頭，但冬天大褸就真係令人頭痕🙈，唔想咁樣可以點？你可以揀無煙燒肉呀！無煙燒肉其實燒緊果時都會有煙出，但因為爐具設計嘅關係，係爐邊就吸曬油煙，咁就唔洗怕衣物吸味啦！🤪🐮Assorted Beef Platter 牛牛板(二人份量）$198一個拼盤食齊七大部位，按好味程度排名為韓式牛肋條、特級牛小排、厚切牛舌👅、嚴選一口牛，黑牛牛板腱、安格斯西冷、特級牛後腹則不分先後，都係麻麻。韓式牛肋條多汁柔軟，不過調味較濃；牛小排油花平均，牛味較濃，呢兩款都係encore 之選，最緊要控制火候唔好過🔥。🐷Pork Platter Set $78lunch set豬拼盤有豬五花、護心肉、豬頸肉，附送白飯及飲品。份量唔算少，調味亦唔會過濃，不過成個lunch 都係肉，如果有泡菜中和會更好。