影片
更多
2010-01-12
89 浏览
星期六無咩好做，就同屋企人去左飲啖茶，食個包。雞球大包間老字號雖然摺左，但係聽老友講呢間酒樓都有雞球大包食，味道唔差，叫我去試下咁話。咁岩我果日開車返工既時候又聽到收音機講呢間酒樓有一個招牌菜叫唔知咩咩骨，之前食評又唔差，咁我就去試下啦。詳情唔講太多啦，都係落單，食野，埋單。只可以講，佢果個奇脆拔絲骨真係整得幾好食。仲要係即刻整既，唔係係咪因為飲茶時段叫小菜所以即整呢!食品方面就講詳細少少啦，個拔絲骨聽個名就似"食神"入面果個拔絲寫既字咁，外皮係有層糖膠，因為薄薄一層，咬落會感到好脆，但係裡面既肉係軟既豬肉，簡直有冰火既感覺，哈哈。但係雞球大包就冇食啦，姐姐仔話唔係成日有，所以下次都係撞彩囉。其他點心不過不失，但講到點心數量，有兩張雙面既點心紙既點心款可以點，仲想點??整體，食品中上，推介奇脆拔絲骨賣相中上，上菜個碟度，條邊唔會有好多汁，算整齊服務有上調空間，評間間酒樓都係咁上下，係咪所有酒樓既樓面都係好似面黑黑咁樣既呢??要同佢講下笑至有表情回覆。裝修可以接受。唔係好豪華果種，但係感覺舒服既。備註: (新發現)睇過餐牌，夜晚除左有小菜，仲有得打邊爐架
雞球大包間老字號雖然摺左，但係聽老友講呢間酒樓都有雞球大包食，味道唔差，叫我去試下咁話。咁岩我果日開車返工既時候又聽到收音機講呢間酒樓有一個招牌菜叫唔知咩咩骨，之前食評又唔差，咁我就去試下啦。
詳情唔講太多啦，都係落單，食野，埋單。只可以講，佢果個奇脆拔絲骨真係整得幾好食。仲要係即刻整既，唔係係咪因為飲茶時段叫小菜所以即整呢!食品方面就講詳細少少啦，個拔絲骨聽個名就似"食神"入面果個拔絲寫既字咁，外皮係有層糖膠，因為薄薄一層，咬落會感到好脆，但係裡面既肉係軟既豬肉，簡直有冰火既感覺，哈哈。
但係雞球大包就冇食啦，姐姐仔話唔係成日有，所以下次都係撞彩囉。
其他點心不過不失，但講到點心數量，有兩張雙面既點心紙既點心款可以點，仲想點??
整體，
食品中上，推介奇脆拔絲骨
賣相中上，上菜個碟度，條邊唔會有好多汁，算整齊
服務有上調空間，評間間酒樓都係咁上下，係咪所有酒樓既樓面都係好似面黑黑咁樣既呢??要同佢講下笑至有表情回覆。
裝修可以接受。唔係好豪華果種，但係感覺舒服既。
備註: (新發現)睇過餐牌，夜晚除左有小菜，仲有得打邊爐架
张贴