吞POT 雞煲火鍋.住家菜 (譽發廣場) (已結業)

朋友介紹譽發廣場有間高質素的火鍋店，用料新鮮，招呼週到，名叫吞pot雞煲火鍋.住家菜。於是我就約埋同事去試試！火鍋店在22樓，一出𨋢就是，地方裝修簡潔，座位也算寬敞。因為我們2人食左下午茶，雞煲就留返下次先食，見到有魚湯，同事好想飲，就叫了招牌鮮魚湯鍋，魚湯真材實料，濃厚魚香味，又有菇菌和豆腐，美味好喝又鮮甜。白鱔片好新鮮，用上大條肥美的白鱔起肉，肉質鮮嫩彈牙。自創爆芝響鈴，落單先炸。因為加入芝士，上枱要趁熱食，即食香脆惹味，浸湯吸收魚湯又是另一番風味。豆香加魚香好夾啊！