Cull ’N Pistol Hong Kong (已結業)

夜晚經過soho東搵食，呢間餐廳之前一直收藏左但未去試，今晚一於試試佢。叫左個mac n cheese、lobster roll、同牛扒。叫左杯啤酒，不過個名唔記得左！不過甜甜地幾好飲。前菜叫左mac n cheese，味道不過不失，因為本身mac n cheese係點整都唔會難食既菜式！lobster roll跟埋一大桶薯條，同個桶相比下個lobster roll變得好細個。lobster roll 份量雖然小，龍蝦份量唔算多，但麵包烘得微脆，牛油滲入個麵包到好香，龍蝦夠爽，d肉都算大舊。幾好食，但如果可以個龍蝦包份量大個d，d薯條小d就完美喇！最後係牛扒男友食親西餐廳都一定會叫牛扒，所以我地對牛扒既要求都算高。牛扒夠厚身，切開係好靚既粉紅色，食落好有驚喜，肉好軟，一d筋都冇，食落好好食好滿足好有水準。因為我地食過好多所謂牛排好食既西餐廳，d牛扒有時會咬極都咬唔爛，有時仲有好多筋。但呢間完全冇呢d問題！係一間主要食海鮮既餐廳入面食到咁有水準既牛扒真係好驚喜！