新泰東南亞餐廳 (興旺閣)

营业中

休息中

全幢都係間餐廳你見過未？我真係見過，呢間位於灣仔專門食泰國菜嘅餐廳。到底係乜嘢驅使佢有信心做咁大地方呢？我哋就即管我要搵吓呢個原因！泰式去骨海南雞（半隻）滑滑滑！泰國菜點都要試海南雞，就好似來香港一定要食雞蛋仔一樣。最重要係每一啖雞肉都係非常嫩滑，配上海南雞醬，開胃，美味，又飽肚，值得推介。冬陰功海鮮炒飯一放上枱就聞到一陣香辣嘅氣味，令人食指大動。海鮮配料充足，辣味適中，Oyster分量十足，非常抵食！馬拉盞通菜新鮮通菜本身都已經好好食，配埋馬拉盞嘅鹹香鮮味，將好似喺泰國先食到嘅嘢放咗入口，大大碟，食完之後非常飽。由此可見，新泰對自己餸菜出品有非常大嘅信心，所以先全幢都係做自己餐廳嘅。尚有好多特色泰國菜，留待下次再去品嚐。