泰妹餐廳 (The Wave) (已結業)

朋友想食泰國菜，本身想去九龍城但因為佢放工已經好攰唔想再出去其他地方，所以就嚟咗喺佢公司附近嘅泰妹食晚飯😊生蝦刺身:每次食泰菜都要點嘅 ！一碟有八隻爽口生蝦，配上辣椒同蒜頭點埋辣汁一齊食，好辣但好好食😎蛋花黃咖哩軟殼蟹火山包:睇相已經吸引估唔到見到實物仲吸引，個包超大個仲有勁多咖哩汁👍🏻軟殼蟹炸得酥脆仲有四件咁多，超抵食😍因為份量實在太多我地食左一半已經食唔落，份量應該夠四個人食😋炒椰菜苗(飛天):椰菜苗炒得夠清爽又夠香，唔會太油亦都唔會太濃味😉芒果沙冰:沙冰唔會太酸亦都唔會太甜，甜味適中芒果味好香，夠冰凍最適合用嚟解辣☺