泰滋味水門雞飯專門店

鳳德近期有多間新食店開，每次行過都想試這間，但店內經常太多客，唯有等下。

今日（7/3/2021）下午四點，終於等到無咁多客，可以食吓下午茶。
點了一個下午茶餐，無骨水門雞飯$40
下午茶來講，都叫大份，油飯好香，夠味，雞都唔錯。

無骨水門雞飯

下午茶無炒河，但想食，便叫了一客泰式乾炒牛河，炒得好乾身，唔太多油，但唔夠味，。

泰式乾炒牛河

再加多一客小食~泰式春卷，是侍應介紹的新食品，唔錯，好多料，剛炸起，好脆，配上泰式醬汁，正。

泰式春卷

埋單$148，最唔方便是要比現金，希望下次幫襯可用電子貨幣。