影片
更多
2022-01-04
219 浏览
從佢開店就時不時都會幫襯，個人埋單基本500起步，有時想食刺身就會直接order刺身拼盤有2次竟然中拖羅扮大拖羅，但都算啦，幫襯咗咁耐，加上侍應招呼都還好，就係班師傅態度太差同剛開店時相比，簡直天同地，唔知多咗個咩師傅嚟，港人扮日本人，港式日語味超濃雖然唔似板前咁會直接同客溝通，但好歹個客係可以直接見到你哋，做嘢態度正經返少少好！感覺上變咗似去食街邊檔咁如果唔講呢啲只講食物水準同衛生，完全就唔值呢個價錢啦！壽司的碟可見的油漬，隻手一掂就成手油壽司上的魚生越嚟越薄，食一次薄一次服務態度尚可，壽司師傅工作態度敷衍，明明得幾枱客，但壽司起碼要十幾廿分鐘先有，而2-3位師傅做緊咩呢？就係吹水傾計，等傾完想起要整壽司個陣就整。講真，又唔係咩即叫即劏的魚，全部都係一片片早就放保鮮櫃入面的，仲要客人等咁耐，簡直無得頂，有個性呢次點解火到要上嚟寫？唔知係咪在香港做大咗就囂張，當d客係水魚，劏得就劏平時叫的鮟鱇魚肝一份係如下圖的，明顯有4件。結果呢次叫咗上嚟係得1件咁多，即刻問侍應係咪上錯咗，點解得1件，佢話無錯。同佢講返之前叫開都係4件，佢話唔清楚出嚟就係咁，然後就走咗去以為改咗菜單自己無睇清楚，但核
有2次竟然中拖羅扮大拖羅，但都算啦，幫襯咗咁耐，加上侍應招呼都還好，就係班師傅態度太差同剛開店時相比，簡直天同地，唔知多咗個咩師傅嚟，港人扮日本人，港式日語味超濃
雖然唔似板前咁會直接同客溝通，但好歹個客係可以直接見到你哋，做嘢態度正經返少少好！
感覺上變咗似去食街邊檔咁如果唔講呢啲只講食物水準同衛生，完全就唔值呢個價錢啦！
壽司的碟可見的油漬，隻手一掂就成手油
壽司上的魚生越嚟越薄，食一次薄一次
服務態度尚可，壽司師傅工作態度敷衍，明明得幾枱客，但壽司起碼要十幾廿分鐘先有，而2-3位師傅做緊咩呢？就係吹水傾計，等傾完想起要整壽司個陣就整。
講真，又唔係咩即叫即劏的魚，全部都係一片片早就放保鮮櫃入面的，仲要客人等咁耐，簡直無得頂，有個性
呢次點解火到要上嚟寫？
唔知係咪在香港做大咗就囂張，當d客係水魚，劏得就劏
平時叫的鮟鱇魚肝一份係如下圖的，明顯有4件。
結果呢次叫咗上嚟係得1件咁多，即刻問侍應係咪上錯咗，點解得1件，佢話無錯。
同佢講返之前叫開都係4件，佢話唔清楚出嚟就係咁，然後就走咗去
以為改咗菜單自己無睇清楚，但核對後的確無誤係只有一款鮟鱇魚肝(非壽司)。
咁就俾佢強搶咗成舊水，一百蚊由4小塊變1小塊。食水何其深，對常客咁嘅態度，真心唔明呢間店點樣做下去的
张贴
