YOLO (已結業)

朋友附近開咗新店去試下，位置光猛，座位闊落唔錯。叫了2個Lunch Set，附餐湯/沙律，同埋一杯飲品。我加錢要咗杯焦糖咖啡，2杯飲品都要少冰。飲品嚟到，係勁多冰，佔咗飲品1/3，一杯撈咗9粒大冰出嚟，凍到牙痺...焦糖咖啡略嫌味道不夠，偏淡。未飲嘅相↓提外話：我叫侍應時，加多少少糖，佢第一句回應係：「下？」我都打咗個突，乜有餐廳啲對答咁Hea...唔知以為去茶記。我叫的辣肉腸蕃茄水管粉先到，我未食先睇下啲辣肉腸有幾「多」，佢成碟夾埋應該連半條廚師腸都無，細條都仲要薄切....水管粉就正常份量，食得飽 🙃《有圖有真相》夠晒細！！！另外叫嘅漢堡不過不失，薯條夠熱。總括而言，二百幾蚊一餐真係無下次。