東京淺草炸雞專門店 (碧海藍天) (已搬遷) 新店位置

又係炸雞，真係食極都唔厭，今次呢間唔係韓式炸雞，亦唔係美式炸雞，而係日式炸雞，好似話開張冇耐，我隱約記得呢個位以前喺間日式西餐廳，不過唔理咁多啦，叫左個富士山炸雞定食，佢哋將二十件炸雞堆埋一齊，話係富士山定食，似唔似就真係見人見智，但二十件炸雞放係我前面，我就睇得好開胃好開心，食入口之後發覺原來全部都係冇骨雞件，啖啖肉，好滿足，每件炸雞都冇乜特別醃料處理過，接近就原味最啱我，呢個定食仲包一碗白飯同埋一碗味增湯，夠曬飽。