紅磡冰室 (已結業)

以前在炮台山番工一個星期總有一日會食紅磡冰室嘅常餐！是日中午來紅磡搵朋友食lunch，決定黎試試紅磡分店又如何。黎紅磡冰室食常餐，通常會叫生滾牛肉鮮茄湯螺絲粉餐或者係瑞士雞翼撈公仔麵，今日我就叫左前者。先黎牛油多士配嫩滑炒蛋，滑蛋仍然嫩滑，唔會少到太散，味道亦岩岩好唔好過淡或咸，所以我都唔洗再加鹽。為求健康，其實牛油多士我係走咗牛油嘅，但多士都冇烘到變更。而我最愛嘅食法就係放啲滑蛋落多士上面食，呢個組合真係好正！另外值得加許嘅係，呢間分店上野食都算快，我多士食到一半呢個生滾牛肉鮮茄湯螺絲粉就上到黎喇。鮮茄湯濃稠但冇過酸，牛肉嫩滑一啲都唔鞋，同我之前食嘅一樣。餐飲叫左熱啡，呢杯熱啡就中規中矩喇，勝在提晨 哈。