究極堂 (永光中心)

营业中

休息中

究极海鲜杯($98)，海鲜杯之前都有食过，用料食材大致上相同，但今次底层系用左柑肉做成既啫喱，有助解鱼蓉既油腻感。究极丼($218)，可以一次过食到咁多款鱼生，感觉好满足，牡丹虾和海胆较突出，虾好大只而且口感够黏好新鲜，海胆鲜甜冇苦味而且顺滑，另外配一个蛋黄紫菜汁，拌饭食一流。蟹皇丼($138)，蟹皇香味浓郁，炙烧过带少少焦香更香口，整个饭搅匀之后，粒粒饭都沾有蟹皇既味道，另外将蟹皇饭放上鲣鱼片上一齐食，口感层次增加左烟韧口感。海胆右口鱼边虾卷($78)，软绵绵入口即溶既右口鱼，夹埋酥脆既炸虾，形成一软一脆口感。七味炙烧帆立贝($22)，海胆酱烧赤虾($22)，炙烧过带点焦香系我喜爱既口味，卖相都唔错，色香味俱全，两款寿司都好新鲜。