更多
2023-10-24
185 浏览
秋風起,又係火鍋季節。今日涼涼地,老公就帶左我去一間尖沙咀新開嘅火鍋店食晚飯。店內裝修傳統,吹中國風。另外仲有大大少少房間,房內仲可有卡拉OK等設備,家庭同朋友聚會就啱晒。餐牌有各種類火鍋配料同小食,我哋叫左個小食,幾款火鍋配料同飲品。咸香沙薑雞腳:雞腳好入咮,味道咸咸香香,另外好香麻油味,好好味。芫荽皮蛋滑豆腐濃湯鍋:芫荽好多,豆腐夠滑,湯底清淡得黎又夠味。至尊牛拼盤:有本地手切新鮮牛肉、牛展、美國安格斯牛、牛柳粒、牛舌同牛白肉。每款牛肉都好新鮮,有口感,牛味濃。其中牛白肉比較特別,咬落爽口,整體無得輸。丸類:手打鮮牛肉丸同墨魚丸好有鮮味,口感軟熟,真材實料。韭菜豬肉餃勁香韭菜味,鮮蝦雲吞多蝦多肉汁,兩款都包到漲卜卜,正。蔬菜拼盤:顏色配搭夠sharp,有皇帝菜、白菜、唐生菜、蕃茄、冬菇同栗米,蔬菜新鮮爽口,味道鮮甜。其中栗米特別甜,好好食。其他配料:有響鈴同稻庭烏冬,就算係配料都唔馬虎,有質素。加多寶:清熱解毒之選,食火鍋配呢個飲品就最啱。
张贴