影片
更多
2017-01-23
1732 浏览
以前喺舊舖食開，質素唔差，不過舖面細，座位又得好少，有幾次想食連訂位都full哂，當時真心希望可以快啲開大舖就好。點知最近真係轉咗去一間樓上大舖，環境闊落咗好多。因為唔想煩，今晚叫咗成頁$12嘅壽司，再加油甘魚腩壽司($48/2件)、極上吞拿魚鮫壽司($65)、大呑拿魚腩壽司($55)同中吞拿魚腩壽司($45)。落單後就準備芥辣，依度嘅芥辣質素比較高，唔似一般得死辣同攻鼻，如果淨食芥辣，會發現有啲磨出嚟嘅山葵根同顆粒，而且味道更香更自然。首先送嚟嘅係辛柱貫軍艦同芝士飛魚籽軍艦 ，依兩款比較普通，但值得留意嘅係包住飯團嘅紫菜好脆，並唔係普通淋哂嘅。等多陣，$12一件嘅壽司全部到齊。特別要推薦大家食赤貝壽司同特大赤海蝦壽司。赤貝壽司嘅赤貝好厚身，而且鮮味十足好爽口，所以依個最後encore多一次。至於特大赤海蝦壽司，師傅已經開邊去腸，肉質彈牙鮮甜爽口又大隻，$12好抵食。劍魚腩壽司都唔錯。油甘魚腩壽司食落油脂味好香好好味。最後到我最期待嘅吞拿魚系列-極上吞拿魚鮫壽司、大呑拿魚腩壽司同中吞拿魚腩壽司。先由相對地比較淡味嘅中吞拿魚腩壽司開始食起，油脂味不斷增加，當食到極上吞拿魚鮫壽司嘅時候，一
因為唔想煩，今晚叫咗成頁$12嘅壽司，再加油甘魚腩壽司($48/2件)、極上吞拿魚鮫壽司($65)、大呑拿魚腩壽司($55)同中吞拿魚腩壽司($45)。
落單後就準備芥辣，依度嘅芥辣質素比較高，唔似一般得死辣同攻鼻，如果淨食芥辣，會發現有啲磨出嚟嘅山葵根同顆粒，而且味道更香更自然。
首先送嚟嘅係辛柱貫軍艦同芝士飛魚籽軍艦 ，依兩款比較普通，但值得留意嘅係包住飯團嘅紫菜好脆，並唔係普通淋哂嘅。
等多陣，$12一件嘅壽司全部到齊。特別要推薦大家食赤貝壽司同特大赤海蝦壽司。赤貝壽司嘅赤貝好厚身，而且鮮味十足好爽口，所以依個最後encore多一次。至於特大赤海蝦壽司，師傅已經開邊去腸，肉質彈牙鮮甜爽口又大隻，$12好抵食。
劍魚腩壽司都唔錯。
油甘魚腩壽司食落油脂味好香好好味。
最後到我最期待嘅吞拿魚系列-極上吞拿魚鮫壽司、大呑拿魚腩壽司同中吞拿魚腩壽司。先由相對地比較淡味嘅中吞拿魚腩壽司開始食起，油脂味不斷增加，當食到極上吞拿魚鮫壽司嘅時候，一咬落口啲油就爆出來，口腔完全充滿油味，而啲油脂味真係好香，不過食一件就夠，食太多會好滯。總括講，三款都好有鮮味，非常滿意。P.S店員好勤力收碟同主動加茶，服務好好。
张贴
