長阪燒 (已結業)

呢到環境好有置身日本既感覺! 好有feel。Irish rock生蠔一黎就叫左生蠔，今次食Irish rock，呢款亦宦都好岩新手食，海水味比較淡，但係咸中帶甜，易入口之餘，又同法國蠔一樣咁有澎湃既餘韻。雲丹拖羅蓉山盛呢個真係今日既no.1 ! 好似山咁高既拖羅蓉，加埋好鮮甜既海膽同埋三文魚籽，一次過有3個口感，好正。平時對拖羅一般般既我，今次都覺得好好食。松葉野蟹腳天婦羅蟹腳啖啖肉，炸粉岩岩好，唔會太厚。特大虎蝦見到個size都知真係特大，外面係鹽燒，蝦肉好彈牙。北海道松葉蟹蓋蟹味好濃郁，每啖都好鮮味。串燒就豬牛雞都各叫左一串。雞髀肉串燒特別juicy，仲有陣炭香味。問過店員先知原來雞肉串燒係用備長炭去燒，咁就可以快速升溫，同時令串燒鎖住肉汁，兼有一份淡淡炭香味。牛柳同豚肉露筍都相當唔錯!