百花漁莊 (已結業)

一家人出去食飯，我都幾鐘意食火鍋，一齊烚下烚下又温馨，又食到好多唔同食物，好滿足。今次吃貨家庭黎到灣仔QRE既「百花漁莊」食粥底火鍋，平日夜晚既關係，環境都相對寧靜，店内座位又夠寬闊，簡潔明亮坐得舒服。火鍋有幾款唔同湯底之外，亦有 #滿粥鍋 ，即是最Basic既粥底，會另上兩碗米粥、菜甫、粟米粒、南瓜作配料，吃完所有火鍋配料先加入湯底一同煮熟成為粥品。火鍋配料包括海鮮、肉類、蔬菜都有好多選擇，用料新鮮高質。🥢頂級牛板腱和美國安格斯牛肉🥩牛板腱較瘦，咬口佳，肉味香濃。安格斯則肥瘦適中，油花均勻，入口順滑，油香甘腴，肉味突出。🥢百花小魚兒🐟白身小魚以為很多骨，但原來主要係背脊骨，細骨唔多，煮熟後肉質仍然挺身爽脆，鮮味十足，有驚喜。🥢鴨血、豬腰花、牛柏葉最特別係有豬腰花，平時自己一定唔會買，因為清洗都有技巧，豬腰煮熟後界花更明顯，也增加了口感，入口爽脆，亦無內臟既怪味，唔錯。鴨血香滑、牛柏葉彈牙唔韌。其他配料仲點左松露香菇貢丸、手打墨魚丸、芝士腸、炸魚皮、響鈴等等，好豐富。Like 佢哋社交平台仲可享特飲買一送一優惠。要左熱情果蘆薈梳打和烏龍桂圓冰，份量都好大杯，計落只係$24/杯，好超值。