影片
更多
2022-09-15
29 浏览
呢一間餐廳嘅裝飾好懷舊，一入門口成個裝修都係模仿香港以前九龍城寨嘅特色，啲書法字同埋好cyberpunk嘅霓虹燈好有80年代香港既感覺，打卡一流。行樓梯落去見到個環境都比較寬敞，呢點真係值得一讚，香港多數餐廳都用到啲位好盡所以多數都會好迫，但呢度嗰啲櫈真係好闊坐得好舒服，我覺得呢個環境好適合同啲同事一齊嚟打邊爐飲下啤酒咁吹下水。近排天氣比較熱所以一坐低我哋就嗌咗一碟涼拌花甲嚟開下胃，估唔到啲花甲都幾新鮮，個涼拌汁亦都啱啱好唔會好鹹可以帶出到花甲嘅鮮味。聽朋友講佢個龍鳳雞煲翅湯底幾出名，開頭會有店員俾我哋一人一碗花膠翅然後再滾熱啲湯倒落去。呢個湯真係好好味好有住家嘅老火湯既感覺，基本上個湯底一滾我地已經即刻飲咗兩三碗湯，嘢食都仲未嗌😂打邊爐唔洗講一定要嗌咗碟肥牛先啦，我地嗌咗普通手切牛，賣相都唔錯感覺幾新鮮，啲雪花唔多但勝在牛味重。我哋冇嗌到好高級嘅牛肉因為我哋見到一啲我哋平時好少機會食到嘅部位，所以就決定嗌一碟普通肥牛然後再嗌其他部位。呢碟牛胸爽一定要介紹一下，平時我同朋友都會去一間有幾多分店嘅邊爐，佢地都有得嗌牛胸爽，但係我覺得呢間嘅牛胸爽新鮮過嗰間好多，價錢同賣相都優勝，食落牛肉味
近排天氣比較熱所以一坐低我哋就嗌咗一碟涼拌花甲嚟開下胃，估唔到啲花甲都幾新鮮，個涼拌汁亦都啱啱好唔會好鹹可以帶出到花甲嘅鮮味。聽朋友講佢個龍鳳雞煲翅湯底幾出名，開頭會有店員俾我哋一人一碗花膠翅然後再滾熱啲湯倒落去。呢個湯真係好好味好有住家嘅老火湯既感覺，基本上個湯底一滾我地已經即刻飲咗兩三碗湯，嘢食都仲未嗌😂
打邊爐唔洗講一定要嗌咗碟肥牛先啦，我地嗌咗普通手切牛，賣相都唔錯感覺幾新鮮，啲雪花唔多但勝在牛味重。我哋冇嗌到好高級嘅牛肉因為我哋見到一啲我哋平時好少機會食到嘅部位，所以就決定嗌一碟普通肥牛然後再嗌其他部位。呢碟牛胸爽一定要介紹一下，平時我同朋友都會去一間有幾多分店嘅邊爐，佢地都有得嗌牛胸爽，但係我覺得呢間嘅牛胸爽新鮮過嗰間好多，價錢同賣相都優勝，食落牛肉味好重而且一啲都唔肥膩，口感好爽脆，可以話嚟呢度一定要試！
另外我哋都嗌咗黑柏葉同牛骨髓，亦都好新鮮，黑柏葉爽脆，牛骨髓口感就滑溜，呢兩樣野打邊爐真係一流。仲有一樣平時好少見既就係魚卜，每個都好大舊，食落有魚香完全唔會腥。蝦滑拼墨魚滑就同平時同價位既邊爐店差唔多，正常水準。
最後因為我地唔想浪費個咁正既湯，決定嗌個生麵嚟食，麵質就正正常常。呢間野啲野食真係夠新鮮，又有好多普通邊爐點食唔到既野，值得推介！可惜嘅係我地埋單之後先見到原來星期日同星期四夜晚9點後有8折優惠😢唯有下次再約朋友嚟過..
张贴
