十二鍋 (已結業)

我係勁易肚痾既人，因為腸胃敏感。基本上每日起身一定肚痛，然後食生蠔，食刺身2個鐘內多數痾，但我都係會照食。今次同朋友去左十二鍋，貪佢平。$88一人一鍋，又咁足料，仲可以邊度揾。去到勁多人排隊，同樓上靜英英既火鍋店成強烈對比。我自己對火鍋真係好麻麻，特別係要幾百蚊一位既，不如食自助餐好過。但有時同朋友食飯應酬，都會去。講番12鍋，有一個好處就是一人一鍋，想食乜嘢就叫番自己鐘意既，又唔洗同人夾來夾去增加風險，始終而家疫情。而且都係$88，岩晒我呢d窮得黎又想豐富少少既人。我叫左個壽喜燒火鍋，有生蛋，有半熟既牛肉，連埋一杯藍莓飲品，另外仲有碗白飯，我影漏左。個味道甜甜地，非常開胃，連埋勁索汁既豆腐，果種美味只要諗起，口水分泌就突然增多。而最奇怪既係，我食完之後，竟然冇肚痾。因為生蛋、半熟牛肉、豆腐都係好容易痾既食物。我明白點解咁多人排隊，同時樓上既火鍋店變得冇乜人食，靜英英咁。