影片
更多
2017-10-07
51 浏览
平時喺大埔都經過《OPPA韓國燒肉店》，望入去每一次都好想試吓，今次就一家人試吓韓式燒肉。餐牌入面有好多食物選擇，另外更有多款套餐，職員向我哋推介「馬場洞」套餐，套餐入面有十種食物，熟食方面有「韓式炸雞」同埋「韓式海鮮年糕」。炸雞賣相好吸引，食落去香脆可口。海鮮年糕用石鍋裝住，可以保存年糕嘅溫度，而且食落去啖啖海鮮鮮味，除此之外，年糕咬落去煙煙靭靭，仲有一點辣度，好滋味。等咗一陣，所有肉類同埋魚類都嚟齊晒，「銀雪魚扒」係我嘅至愛，當然唔少得即刻要試吓佢啦，職員仲好體貼教我地點樣燒，魚扒好大塊而且厚身，食落去魚肉好滑，而且外皮燒到好香脆，食落去有好新鮮嘅魚味道。另外「鹿兒島橡味黑豚」呈現粉紅色，食落去肉質爽口彈牙，好濃郁嘅新鮮豬肉味道，而且口感爽滑，必食。除此之外，「澳洲和牛上肩肉（M9)」、「澳洲和牛五花」、「A4和牛三角肉」、「宮崎和牛上蓋肉眼」、「澳洲和牛脷」、「銀雪魚扒」同埋「匈牙利鵝肝」等等都好新鮮好好味！最後再叫咗一個「豬肉石鍋拌飯」Share食，辣度可以自由選擇，只需要加少少辣醬，連埋啲配料同埋飯一齊食，味道已經香濃。飲品方面，分別叫咗「草莓冰蜜蜜」同埋「原個菠蘿冰」，賣相
平時喺大埔都經過《OPPA韓國燒肉店》，望入去每一次都好想試吓，今次就一家人試吓韓式燒肉。餐牌入面有好多食物選擇，另外更有多款套餐，職員向我哋推介「馬場洞」套餐，套餐入面有十種食物，熟食方面有「韓式炸雞」同埋「韓式海鮮年糕」。
炸雞賣相好吸引，食落去香脆可口。海鮮年糕用石鍋裝住，可以保存年糕嘅溫度，而且食落去啖啖海鮮鮮味，除此之外，年糕咬落去煙煙靭靭，仲有一點辣度，好滋味。
等咗一陣，所有肉類同埋魚類都嚟齊晒，「銀雪魚扒」係我嘅至愛，當然唔少得即刻要試吓佢啦，職員仲好體貼教我地點樣燒，魚扒好大塊而且厚身，食落去魚肉好滑，而且外皮燒到好香脆，食落去有好新鮮嘅魚味道。
另外「鹿兒島橡味黑豚」呈現粉紅色，食落去肉質爽口彈牙，好濃郁嘅新鮮豬肉味道，而且口感爽滑，必食。
除此之外，「澳洲和牛上肩肉（M9)」、「澳洲和牛五花」、「A4和牛三角肉」、「宮崎和牛上蓋肉眼」、「澳洲和牛脷」、「銀雪魚扒」同埋「匈牙利鵝肝」等等都好新鮮好好味！最後再叫咗一個「豬肉石鍋拌飯」Share食，辣度可以自由選擇，只需要加少少辣醬，連埋啲配料同埋飯一齊食，味道已經香濃。
飲品方面，分別叫咗「草莓冰蜜蜜」同埋「原個菠蘿冰」，賣相各有各特色。
我飲個杯「草莓冰蜜蜜」，入面真係有一條韓國長方體嘅士多啤梨味冰條放左係特飲嘅入面，加埋啲冰同埋梳打一齊飲，又真係幾Match，值得一試。
總括而言，所有食物都好新鮮，又可自己烹調，一邊享用韓國啤酒、酒精飲品，一邊睇韓國流行歌曲MV，一邊品嚐韓國美食，果然係老少咸宜聚餐嘅好地方。
张贴
