泰濃麵 (蘭芳道) (已結業)

天氣開始轉涼了，心思思想打邊爐，朋友介紹下，一向食開泰濃麵的船麵，有泰式嘅打邊爐，覺得幾新鮮，一於試吓。.我哋想試多款湯底，叫咗個雙拼火鍋湯底，一個係船湯底另一個係冬陰功湯底。非常泰式風味💕船湯底有香濃嘅香茅，配豬骨湯底，也不錯吧。個人非常鍾意冬陰功湯底，夠晒泰式，加埋啲食材更加嘢味👍.墨魚丸估唔到都幾彈牙，食到係墨魚嘅味道，唔會有太多嘅麵粉，依家好難食到呢種新鮮嘅食材。.佢哋嘅黑豚肉，份量都幾大碟，而且肉質鮮嫩，最正嘅地方係唔會太肥，夠晒兩個人食。.其實我系一個餃子控，對餃子都有相當要求，估唔到佢哋嘅餃子係自己新鮮整，餃子皮薄餡料新鮮，值得一讚😋.打邊爐一定要叫返杯嘢飲，佢哋嘅青檸梳都幾特別，梳打同青檸分開上🍹.總括而言，覺得呢個泰式火鍋餐好特別好新鮮，下次都要帶多一兩個朋友嚟試吓先。