午市有定食或放題，我哋就揀咗放題。
放題選擇有好多有刺身燒肉、炸物、湯飯類飲品及甜品全部都係任食。
刺身我哋叫咗三文魚、北寄貝、馬刀貝、帶子、甜蝦，刺身夠新鮮，質素唔錯！
三文魚夠肥美；北寄貝、馬刀貝夠爽口！帶子雖然唔係厚切，但係都好鮮甜！甜蝦有應有嘅水準，夠鮮甜！前菜揀咗中華沙律及螺肉，亦都相當夠凍夠新鮮！
肉類就算豬、牛、雞、羊亦都好多選擇。當然我最鍾意食牛，牛舌、牛肋肉、一口和牛全部牛味都幾香。我最鍾意食牛舌及牛肋肉。
豬揀咗豚背肋及豚拖羅。豚背肋我覺得肥瘦適中，最好食！豚拖羅就相對地較多肥肉，適合鍾意食肥肉嘅朋友。整體上放題嘅質素都唔錯！小店驚喜！
