尚善

朋友推介這間日本菜很久，終於有空來試一下，果然不負期待，很有水準。

侍應服務很好，一坐下就有熱茶，見我們第一次來還給我們推薦菜品，最終我們選擇680一位的套餐。

前菜很有心意，記憶最深刻的是鮮淮山伴紅酒醋啫喱，淮山爽脆，紅酒醋啫喱酸中帶甜味，有驚喜，好開胃。清酒煮大螺的螺肉好大隻，清酒將螺嘅鮮味帶出來，但祇得2隻，仲想追食….麻醬冷豆腐都唔錯，豆腐味濃，（經理說每天由同事去著名的豆品店購買回來）無諗過咁有誠意😀

大蝦炸小蝦是朋友最喜歡的，大蝦比想像中大隻，剩蝦身目測有六吋，肉質緊實彈牙，鮮甜味十足，果然是久違了的野生蝦味道，好好食！加上外層的櫻花蝦炸得酥脆，炸功到位，唔會油膩。

生蠔就係我最鍾意，今日最驚艷！岩蠔非常大隻，新鮮肥美，入口清涼絲滑口感，帶礦物和奶油味，搭配海膽一齊食真係一絕，我好鍾意食海膽，呢度嘅海膽係近期食過最好食… 味鮮甜豐盈。最後仲加埋啲三文魚籽做點綴，簡直係人間美食，滿滿一口十分滿足。我哋忍唔住額外再order返食🤭

吹下水，唔覺唔覺坐咗三個鐘。呢餐真係食得滿足，傾得盡興，約定下個月再嚟試新菜式。