影片
更多
2017-07-14
614 浏览
對上一次係香港食韓燒已經耐到唔記得，因為每次食完都飽好耐好辛苦最近唔知做咩突然想食韓燒，見好多推薦，就決定黎哩到試下。我地十一點半到啦，一出𨋢口已經有餐廳員工大叫：歡迎，兩位隨便坐。果陣除左我地就淨係得一台客，問返職員任食可以食幾耐，職員就話 如果冇人等可以一直食落去。我聽完都呆左下，竟然唔計時好啦！因為都有啲餓啦，就出去熟食區睇下有咩野食。可能太早啦，一開始淨係得少少野。就係下圖既粟米、蕃薯、魚蛋豬皮、豬腳薑、甜品生果同一啲泡菜識我既人都知我係不折不扣既甜品控，無論中式西式都為之瘋狂。一如慣常做法，一坐低就試左甜品先甜品款式其實唔多，得馬豆糕、楊枝甘露西米布丁同芋頭西米椰汁糕哩三款入面我個人比較中意芋頭西米椰汁糕，有芋頭係入面有咬口，底既西米都好幾多，我好似食左四個雖然平時都中意食蕃薯既我，係哩啲時刻就梗係唔食飽肚野啦。所以就冇試到蕃薯，淨係因為驚冇蔬菜落肚，食左舊粟米。魚蛋唔係我杯茶，都冇試到。但係估唔到豬腳薑有驚喜喎！平時出街食豬腳薑淨係夠膽食蛋，今次都唔例外，食左個蛋先，個蛋雖然唔太入味，但係都算係硬身。對肥膏有恐懼既我，最怕食到好多膏既豬腳，膽粗粗就食左一啖，哇，好食喎！首先
最近唔知做咩突然想食韓燒，見好多推薦，就決定黎哩到試下。
我地十一點半到啦，一出𨋢口已經有餐廳員工大叫：歡迎，兩位隨便坐。
果陣除左我地就淨係得一台客，問返職員任食可以食幾耐，職員就話 如果冇人等可以一直食落去。我聽完都呆左下，竟然唔計時
好啦！因為都有啲餓啦，就出去熟食區睇下有咩野食。
可能太早啦，一開始淨係得少少野。就係下圖既粟米、蕃薯、魚蛋豬皮、豬腳薑、甜品生果同一啲泡菜
識我既人都知我係不折不扣既甜品控，無論中式西式都為之瘋狂。一如慣常做法，一坐低就試左甜品先
甜品款式其實唔多，得馬豆糕、楊枝甘露西米布丁同芋頭西米椰汁糕
哩三款入面我個人比較中意芋頭西米椰汁糕，有芋頭係入面有咬口，底既西米都好幾多，我好似食左四個
雖然平時都中意食蕃薯既我，係哩啲時刻就梗係唔食飽肚野啦。所以就冇試到蕃薯，淨係因為驚冇蔬菜落肚，食左舊粟米。
魚蛋唔係我杯茶，都冇試到。
但係估唔到豬腳薑有驚喜喎！平時出街食豬腳薑淨係夠膽食蛋，今次都唔例外，食左個蛋先，個蛋雖然唔太入味，但係都算係硬身。
對肥膏有恐懼既我，最怕食到好多膏既豬腳，膽粗粗就食左一啖，哇，好食喎！首先豬腳冇膏先，個皮仲有少少彈牙，滿滿的膠原蛋白口感！
豬腳有肉，啲肉仲要係唔韌，一咬既開，應該都燜左幾耐
試試下熟食，肉就黎啦！最好食係牛肋骨，encore左無數次！
五花腩包菜食都幾好味。
雞翼、香茅豬頸肉、香茅豬扒同埋雞肉串都唔錯，如果雞肉串冇咁重調味就仲正。
章魚仔係咁多高膽固醇中係最好食既。
睇相好吸引既金菇肥牛卷就一般。
牛脷都麻麻，唔係我中意既。
不得不提，東大門啲食材算係韓燒入面幾新鮮既，章魚仔放左一段時間先燒，但都仲好生猛，吸住個盤唔放肉都幾好食！
同埋想冇咁飽濟，就一定要用生菜包住黎食，油膩感瞬間下降 (雖然啲生菜睇落唔係好靚)
係韓國果陣永遠菜包肉加少少泡菜，係哩到都唔例外
燒左一段時間肉，啲熟食又慢慢煮好拎出黎啦！
我中意既銀絲卷終於出場！表皮炸到好脆但唔算好油膩，好開心，食左四個，停唔到口
拎銀絲卷果陣見到有泡菜餅同海鮮煎餅。泡菜餅都好食，少少辣辣地，少油啦，但幾脆口。海鮮煎餅比較濕，可以唔洗試。
仲有新鮮炸起既春卷、雞翼同荷葉包雞肉。
雖然中意食炸銀絲卷，但平時都好節制、好少食炸野既我，忍唔住破例食左春卷，又有驚喜，入面有粉絲、紅蘿蔔同木耳絲，好夾，脆口得黎又唔會太濟，又忍唔住食多左幾條
荷葉包雞肉（唔知叫咩名，我自己改既＞＜）以為會伏，但打開塊荷葉啲雞肉係鮮嫩既，炸既時間啱啱好，好勁！
雞翼就正常啦，算炸得有肉汁既。
食完韓燒一定熱氣啦，就食左碗綠豆沙，佢好足料！係我係街食過算有沙同足料既，同埋唔太甜雖然食多左都係會覺得有啲甜
仲食左涼粉，涼粉爽彈，幾有咬口，但無影到相。
冬陰功湯都好足料嫁，有蝦、金針菇、蕃茄等等，太重香料味，酸酸地，我淡口味就覺得還好，都係無影到相嫁。
成日都話留肚食甜品，甜品最後先食。但係無數次經驗話比我知，最後先食甜野，會飽濟到一個點，頂住個胃好唔舒服
可能食左兩個鐘，雖然係慢慢食，但真係好似無停過咁將啲野放入口，最尾真係飽到上心口。
職員一入門口就話無人等位就可以唔計時咁食，又真係無人趕我地走喎。
食足兩個鐘，頂唔順唔想再坐，我地先自動埋單走。
職員多數係中年姨姨，但服務都幾好，會主動教你點燒、五花腩幾時剪，會主動過黎同我地換鐵板，加上地方細細咁，有種家庭式既感覺
雖然琴日食到好飽好飽，但依家睇返啲相，又想再食啦應該好耐之後會再去！
张贴
