官仔記 (已結業)

<食材新鮮官仔記>這夜到了佐敦官涌閣街的官仔記一試，地點不易搵，就在佐治五世紀念公園的足球場籃球場旁。店子小小，但算企理，當然最重要係可以走到鋪後的後巷露天坐街，除了晚市火鍋外，見宣傳這兒午餐亦有碟頭飯供應，火鍋配料選擇挺多，連比較小有的雞雜豬雜都有供應，亦見鵝腸是新鮮有膏的，愛好內臟的朋友可一試。點了木瓜螺頭雞腳湯，湯頭濃郁，有成十幾隻雞腳，又真係搵到幾件大螺頭，足料﹔手切肥牛長期做特價才$88一碟，一碟十來片，牛味濃郁有脂香，不錯，這夜連吃兩碟呢﹔韭菜餃是自包的，餡鮮肉香也好吃﹔我愛吃黑柏葉的爽爽脆脆﹔蝦滑吃得出粒粒蝦肉，彈牙爽口，但嫌份量偏少了點﹗平日九點後消夜青島大啤$15，汽水又$5罐，仲要叫湯底送時菜，在這一帶除了新明記外我覺得這兒算抵吃的了，值得推薦給愛邊爐的朋友。