雲壽司 (德和大廈)

营业中

休息中

終於係中環見倒*雲*☁️啦，我所講嘅係銅鑼灣區嘅‘雲壽司’終於係中環開左分店啦，呢間新開張一個月左右。同銅鑼灣店一樣，地方唔算大，呢度入門口有張大約坐12人嘅L 形長bar枱，另外近牆邊位置有三張二人桌，坐得都好舒服嘅。呢度除左有自選壽司🍣、剌身拼盤外，仲有omakase食架，而自選壽司有成廿幾款可供選擇。今晚就自選左12件壽司🍣$198三文魚腩、火炙三文魚、帆立貝、火炙帆立貝、池魚、深海池魚、吞拿魚、油甘魚、真鯛、赤蝦。魚生部份唔洗多講，非常新鮮，三文魚同火炙三文魚，油花最多，入口充滿魚油香氣；帆立貝軟滑鮮甜，火炙過嘅另外多分焦香；深海池魚同真鯛味道偏淡，但口感係最好，最爽口；吞拿魚原全冇根，入口嫩滑；赤蝦爽脆鮮甜，咀嚼至起黏身，鮮味更加豐厚。飯底微暖，粒粒軟綿綿，加上適量嘅醋味，match得好好。